Nagduso o nag-propose ang Marcos administration og ₱10.773 billion nga confidential ug intelligence funds o CIF ubos sa 2027 proposed national budget.
Mas ubos kini og 8.8 porsyento kumpara sa ₱11.818 billion nga gigahin CIF karong 2026.
Sa maong kantidad, ₱4.368 billion ang proposed confidential funds samtang ₱6.405 billion ang alang sa intelligence funds.
Matud ni Acting Budget Sec. Kim Robert De Leon, ang mga legal nga ahensya lamang ang gitugotan sa paghimo og confidential ug intelligence functions ang mahimong makadawat sa maong pondo ubos sa 2027 National Expenditure Program.
Gipasalig usab niini nga ipaagi gihapon ang paggamit sa CIF sa kasamtangang budgeting, utilization, liquidation ug auditing rules.
Samtang, ₱111.98 billion usab ang proposed unprogrammed appropriations alang sa 2027, nga giingong pinakagamay sukad 2019.
Gipaabot nga magsugod sa Agosto 17, 2026 ang deliberasyon sa ₱7.2 trillion nga proposed national budget sa House of Representatives.
| via Bombo Ray Ann Martinez
