DAVAO CITY- Pormal na nga milingkod isip Acting City Director si Police Colonel Hansel Marantan sa Davao City Police Office karong adlawa.
Kaganiahang buntag gipahigayon ang seremonya sulod sa DCPO Compound alang sa pormal niini nga paglingkod.
Human sa program gilayon nga nagpahigayon ug Command Conferrence ang nahisgutan uban sa mga opisyal sa DCPO ug mga bag-ong milingkod nga mga Station Commanders sa dakbayan.
Human sab Command Conferrence mideretso sab si Marantan sa PRO 11.
Sumala pa ni PCapt. Hazel Tuazon, ang tigpamaba sa DCPO nga ang unang direktiba ni Col. Marantan mao ang pagpadayon sa mga maayong programa sa DCPO.
Gimanduan sab niini ang mga Station Commanders nga mag-coördinate sa mga Brgy officials aron nga ma -aksyonan ang mga problema dinhi sa dakbayan.
Samtang pakusgon sumala pa niini ang Crime Prevention aron gamay na lamang ang alang sa crime solution.
Gikanayon sab sa opisyal nga buot sa bag-ong DCPO Director nga angay sumala pa nga mahimong proactive ang DCPO.
Kahinumduman nga una ng gituboy si Col. Marantan isip DCPO Director human sa mga kalit nga paghulip nila Col. Lito Patay nga dul-an lima ka oras lamang milingkod, ug gipuli niini si Col. Sherwin Butil nga kapin oras pa lamang gikan sa pagtuboy kaniya gipulihan gilayon kini ni Police Colonel. Hansel Marantan.
Una ng gibutyag ni Mayor Sebastian Duterte wala sumala pa siya gikonsulta sa pagtuboy niini isip bag-ong DCPO Director, ug gikanayon usab niini nga dili na siya matingala kung adunay mga mahitabo sa syudad ilawom sa bag-ong liderato tungod sa mga kontrobersiya nga gikalambigitan niini sa nakalabay nga mga katuigan.
Apan gipaklaro sab sa Mayor nga magpadayon gihapon ang iyahang pagsuporta sa kapulisan dinhi sa dakbayan.
