DAVAO CITY- Nag-courtesy call si Acting Davao City Police Office (DCPO) Director P/Colonel Hansel Marantan ngadto sa Chief Prosecutor nga si Atty. Jhopee S. Avanceña sa Hall of Justice Ecoland ning dakbayan sa Davao. Kauban ni Marantan si Lt. Col. Ivan Samoraga, ang labaw sa CIDMU ug si Major Atty.Lean Marquez isip Legal Officer. Tumong sa pagbisita sa hepe sa kapulisan dinhi sa dakbayan ngadto sa buhatan sa piskalya ang paghisgot sa hisgutanang ligalidad ilabi na sa pagpatuman sa balaod dinhi sa syudad. Sumala pa sa opisyal nga andam piskalya sa dakbayan nga motabang sa mga kapulisan ilabi pa sa paspas nga paglihok sa mga kaso nga dakong tabang sa pagkunhod sa mga detention facilities. Mihatag usab ug giya ang labaw sa piskalya ngadto sa kapulisan alang sa mga ipahigayon niini nga mga operasyon nga adunay “Updated Preliminary Investigation and Inquest Rules” Compliance with DOJ Circular No. 015 epektibo sa Agosto Uno karong tuiga, paggamit sa Body-Worn Camera, pagbatok sa mga kaso sa Rape, Terrorism Financing, ug Judicial Affidavits. Gipasalig usab sa nahisgutan ang pagsuporta niini sa kapulisan dinhi sa dakbayan alang sa hustisya ug pagsubay sa balaod.
