DAVAO CITY – Nakapahimutang na ug pyansa ang abogada nga gidakop gumikan sa illegal possession of firearms. Naka-angkon na sa iyang temporary nga kagawasan si Atty. Sitti Gilda Mahinay Sapie human sa gihimong implementasyon sa search warrant sa pinoy-anan niini sa Talomo niadtong Biernes sa gabii ug nakuha sa sulod sa iyang balay ang duha ka mga armas nga dili kalakip sa gihisgotan sa search warrant.
Sa record sa Regional Trial Court office of the clerk of court pyansado ang abogado ug kantidad nga P240 mil ka pesos alang sa violation sa Republic Act 10591 o Comprehensive Laws On Firearms tungod sa duha ka mga armas nga sumala sa mga tinugyanan sa balaod walay tukma nga mga dokumento.
Apan subay sa gihisgotan sa search warrant nga gipagula ni Judge Oscar Noel, Jr. sa RTC Branch 38 sa Sarangani Province nga negatibo ang mga armas nga anaa sa search warrant sama sa .45 Caliber Pistol, M16 Armalite Riffle nga dunay M203 Grenade Launcher, ug lain pang usa ka M16 Armalite Rifle nga dunay Scope.
Sumala kang Atty. Sapie nga usa ka matang sa pagpanghasi sa iyang bahin ang gihimo kaniya sa mga tinugyanan sa balaod.
