Misaka na sa upat ang ihap sa mga namatay samtang 22 usan ang nasamdan sa nahitabong pagpamusil kagahapong adlawa Hunyo 22, 2026 sa San Jose National High School sa Tacloban City. Na-una nang nadakpan sa kapulisan ang duha ka mga menor de edad nga estudyante usab sa maong tulunghaan. Na-recover gikan sa lugar nga nahitabuan ang kapin 40 basiyo sa bala, lakip na ang gigamit nga 9mm Glock pistol ug .38 caliber revolver nga susamang nakarehistro sa mga kabanay sa mga suspect.
Isip kabahin sa mga lakang aron masiguro ang kaluwasan sa mga estudyante ug mga kawani, nagpabiling suspendido ang klase sa San Jose National High School, San Jose Central School, ug Manlurip Elementary School. Mihatag na usab og hinanaling medikal ug psychosocial support ang Department of Education sa mga apektadong estudyante ug mga magtutudlo.
Padayon ang makuting imbestigasyon sa Tacloban City Police Office ug nanawagan sa publiko nga dili mopakatag og dili beripikadong impormasyon aron dili mapun-an ang kabalaka. Ang maong insidente ang subling mi-abri sa hisgutanan sa seguridad sa mga tulunghaan ug sa mipatigbabaw nga Juvenile Justice and Welfare Act, samtang nagpabiling taas ang panawagan nga mas pahugtan ang mga lakang batok sa pagpasulod og armas sa mga institusyong pang-edukasyon.
