Pormal na nga paga-abrihan sa munisipalidad sa Tarragona sa Davao Oriental ilang unang Ka’aNiYogan Festival pinaagi sa usa ka tree planting ug coastal clean-up activity karong Hunyo 12.
Sumala ni Tarragona Mayor Art Benjie Bulaong, ang Municipal Environment and Natural Resources Office (MENRO) maoy manguna sa maong kalihokan nga tumong mapreserba ang natural resources ug mga agricultural assets sa munisipalidad.
Gibutyag ni Bulaong nga ang unang Ka’aNiYogan Festival dili lang usa ka selebrasyon sa kinaiyahan sa Tarragona, kondili usa usab ka pasidungog sa kalig-on ug panaghiusa sa katawhan niini.
Tungod niini, iyahang gipahibalo nga adunay sunod-sunod nga cash relief assistance ubos sa Alalay sa Krisis program nga ipanghatag sa tibuok munisipalidad samtang nagkaduol ang Foundation Day ug Ka’aNiYogan Festival.
