Nagpasidaan ang Department of Information and Communications Technology o DICT karong adlawa ngadto sa mga tawo nga nagpakalat og fake news online nga dili sila pasagdan human sa kagubot nga nahitabo sa Senado kagabii.
Sumala kang Sec. Henry Aguda, hugot nga ginamonitor sa ahensya uban sa Cybercrime Investigation and Coordinating Center o CICC ang social media ug digital platforms alang sa mga post nga posibleng makapasamot sa tensyon o makadani og kagubot ug kapintasan.
Gipasidan-an usab sa DICT chief nga ang mga mapamatud-ang nagtabang sa pagpakalat og sayop nga impormasyon o pag-aghat og kapintasan kon violence online mahimong manubag sa balaod.
Giawhag usab sa ahensya ang publiko nga mahimong responsable sa pag-share og impormasyon online kabahin sa insidente.
Gidasig usab ang mga netizen nga mosalig lamang sa lehitimo ug opisyal nga mga tinubdan sa impormasyon ug siguruhong mapamatud-an una ang balita sa dili pa kini i-post, komentohan, o i-share online.
