Nakasinati ug hinay ngadto sa kusog nga mga pag-ulan nga adunay kilat ug kusog nga hangin ang pipila ka bahin sa Davao Region karong adlawa ilabi na sa Davao del Sur, dakbayan sa Davao, Davao de Oro, Davao del Norte ug Davao Oriental tungod sa epekto sa Easterlies sa rehiyon.
Subay sa gipaguwa nga Thunderstorm Advisory No. 3 sa Office Of Civil Defense kaganihang buntag nga ang maong kahimtang sa panahon ang kasamtangang nasinati-an sa Davao City, Davao Occidental ug Davao Oriental nga kini ang gilangkuban sa munisipalidad sa Governor Generoso, San Isidro, Mati, Tarragona, Banaybanay, Lupon, Manay, Caraga, ug Baganga.
Samtang gabahin usab niini, gidasig ang tanan nga magbantay ug maghimo og precautionary measures batok sa mga peligro sama sa flash floods ug landslides. Subay sa gipahuwang lakat sa panahon karong adlawa ang rehiyon sa Dabaw makasinati og pagpanag-om nga moresulta sa mga pag-ulan tungod sa Easterlies.
