Gipahigayon sa Davao City Police Office, ubos sa pagpanguna ni PCol. Mannan C. Muarip, ang Acting City Director, kabahin sa pagpakaylap sa gugma ning panahon sa Valentine’s Day pinaagi sa paghatag og mga bulak ngadto sa mga Davaoeño sa tibuok siyudad.
Nakadawat og bulak ingon man heart shape nga adunay mensahe alang sa mga babaeng pasahero sa mga PUJ.
Nakadawat usab ang mga drayber gikan sa TEU og heart shape nga adunay mensahe ngadto sa mga drayber.
Kini nga kalihokan ang nagsimbolo sa dedikasyon sa DCPO sa pagserbisyo nga adunay kaluoy, pagpalig-on sa panag-uban sa komunidad, ug pagmintinar sa kalinaw ug kahapsay sa syudad.
Samtang sa laing bahin, gilusad usab sa Sta. Ana PNP, ang “Harana Para Kay Ina,” gipangunahan ni Station Commander Police Major, Richeen. Lagnayo, diin naghatod kini og surpresa pinaagi kini sa pagharana ngadto sa mga single Mom.
Adunay lima ka mga super nanay nga gikan sa Brgy. 31-D ang nahatagan og mga bulak og regalo nga kini agig pasalamat sa kapulisan alang sa ilahang walay puas nga pag-amuma ug sakripisyo alang sa pamilya nga nagsilbing Nanay ug Tatay nga naghatod og tinuod nga inspirasyon sa komunidad tungod sa lig-on, maisugon, ug puno sa gugma.
