Gipadangat sa Davao City Police Office (DCPO) ang ilahang baruganan sa pagpanalipod sa tibuok balaod pinaagi sa malampusong pagdakop pag-usab sa usa ka detainee nga nakasibat.
Kini subay sa kamanduan ni PCOL Mannan Caracas Muarip, Acting City Director sa DCPO, malampuson nga nbalik ang detainee pinaagi sa usa ka disiplinado ug tutok nga operasyon sa pagpahamtang sa balaod. Kagahapong adlawa malampusong nadakpan si Alfred Ismael Magallanes Matute 35 anyos, sa Laverna, Buhangin, ning syudad sa Davao.
Nasayran nga residente sa Deca Homes Mintal, Davao City ang suspek nga naila usab sa tawag nga alyas “Doy-Doy” nga adunay kaso kabahin sa iligala nga droga. Kahinumduman nga ang detainee nakasibat gikan sa custodial facility sa CIDMU niadtong Pebrero 5, 2026.
Ang nadakpan nga detainee opisyal nga gipakita kang PCOL Muarip sa DCPO grounds mga 11:30 kagabii.
Kining nga kalampusan sa operasyon naghatag og klaro nga pagpamatuod sa walay pagduha-duha nga baruganan sa DCPO sa pagpatuman sa balaod ug pagsiguro nga ang hustisya magmalamposon.
Nagpakita usab kini sa hugot nga implementasyon sa disiplina ug tuluvagon sa mga personahe sa kapulisan.
Gipasalig sa kapulisan nga magpabilin kini nga matinud-anon sa ilahang misyon sa pagserbisyo, pagpanalipod, ug pagmintinar sa kalinaw ug kaayohan sa Davao.
Kahinumduman tungod sa maong panghitabo, gipang-relieved sa katungdanan ang Unom mga mga personahe sa DCPO.
