Gipakawad-an ug sala sa Regional Trial Court (RTC) Manila si kanhi Negros Oriental Rep. Arnolfo “Arnie” Teves Jr. sa kasong murder nga adunay kalabutan sa 2019 killings sa Negros Oriental.
Ang desisyon gipagawas homan kini naaresto sa Timor-Leste kaniadtong 2024 ug na-deport pabalik sa Pilipinas kaniadtong 2025.
Mitambong si Teves sa iyahang arraignment sa RTC Manila Branch 15 kaniadtong Hulyo 2025 kung diin awtomatikong gipasulod ang “not guilty” plea.
Matod pa sa iyahang abogado nga si Atty. Ferdinand Topacio, nagpamatuod ang hukom nga walay lig-on nga ebidensya batok sa kanhi kongresista.
Samtang gilauman usab nga mupasaka ug apela ang prosecution aron kwestyunon ang desisyon sa korte.
Kahinumduman, gipalagpot si Teves sa kamara kaniadtong 2023 gumikan sa mga kasong kriminal ug “unauthorized absence.”
Nagpabiling sensitibo ang nahisgutang hisgutanan sa Negros Oriental gumikan kay daghan gihapong pamilya ang nangita ug hustisya sa mga biktima sa pagpamatay.
