-- ADVERTISEMENT --
Miresign na isip NBI Director si Jaime Santiago human kining nagsumite sa iyang ‘irrevocable resignation’ kagahapon, Agosto 15 ning tuiga.
Ang ‘irrevocable resignation’ nagpasabot nga sa higayong isumite kini sa usa ka indibidwal, di na kini mamahimong bawion pa.
Rason ni Santiago sa iyang paghawa mao ang mga tawong way puas nga nangdaot kaniya taliwala sa tinguha niyang limpyuhan ang buhatan ug nasud sa mga sindikato ug mga dautang binuhatan.
Si Santiago nga kanhi pulis ug judge,nahimong mapasalamaton sa pangulo human sa higayong gihatag kaniya nga magsilbi sa katawhan.
