Ipangbaligya ang tanang mga sakyanang na-impound sa Land Transportation Office (LTO) sukad pa sa tuig 2023 ug sa miaging mga tuig nga wala na kuhaa sa ilang mga tag-iya.
Sumala pa sa nasampit nga ahensya nga ipailawom sa pagsubasta ang mga sakyanan karong Hulyo 17, 2025.
Subay sa pahibalo sa LTO, ang mga sakyanan gipailawom sa proseso sa impounding tungod sa nagkalain-laing paglapas sa balaod trapiko, ug wala kini na-claim sa gihatag nga takdang panahon.
Ubos sa Presidential Decree No. 1729, adunay katungod ang LTO nga i-dispose o ipabaligya ang mga sakyanan pinaagi sa public auction.
Gihangyo ang mga interesado nga bidder nga makig-koordinar sa Task Group/Secretariat aron makakuha og detalyado nga impormasyon ug makapahigayon og inspeksyon sa mga sakyanan sa wala pa ang pagsubasta.
Ang public auction usa ka oportunidad alang sa mga interesado nga makapalit og mga sakyanan sa mas ubos nga presyo.
