Gideklara nga dead on arrival sa ospital ang usa ka 18 anyos nga lalaki, human nga disgrasya atol sa nahitabong drag racing kon lumba sa mga motorsiklo sa Manguihay, Brgy. Bobon, Mati City, Davao Oriental.
Subay sa report, giila ang biktima nga si Carl Gabriel nga residente sa maong syudad.
Sumala pa nga niuban ang biktima sa mga barkada aron nga motan-aw unta og drag race sa nasampit nga lugar apan nahitabo hinuon ang disgrasya.
Samtang naangol usab ang usa ka 26-anyos nga operator sa Backhoe atol sa maong panghitabo nga nadamay sumala pa kini. Dugang pa sa report nga nahitabo ang disgrasya pasado alas Onsi ang takna kagabii.
Nasayran nga sumala pa sa mga residente sa nasampit nga baranggay nga pipila na usab ka higayon nga adunay nahitabong drag racing sa maong lugar ug pipila na usab ka kinabuhi ang nakalas nga kinabuhi.
Sa pagkakaron, padayon pa nga ginaimbistigahan sa kapulisan ang maong panghitabo.
