Gibatikos sa pipila ka opisyal ning dakbayan sa Davao ang nahimong pagsang-at sa impeachment complaint batok ni Bise Presidente Sara Duterte, kagahapong adlawa.
Ang mga kongresista ning dakbayan nga si Representatives Paolo “Pulong” Duterte ug Cong Isidro “Sid” Ungab, lakip usab sa nibatikos si Mayor Sebastian “Baste” Duterte, nga nagpakita og kusog nga pagsupak sa impeachment complaint.
Sumala pa ni Cong Duterte, nga ang maong lakang gipangulohan sumala pa ni Representative Janette Garin, nga usa ka “baseless impeachment case” ug gitawag kini nga “clear act of political persecution.”
Nagpasidaan usab kini nga ang nahisgutan nga lakang mamahimo nga magdani og kasuko gikan sa publiko ug nag-awhag sa gobyerno nga likayan ang pagpanalipod sa demokrasya ug paghilom sa oposisyon pinaagi sa “fabricated accusations”.
Dugang pa niini, nga nasayop sumala pa ang administrasyon nga Marcos kung nagatuo kini nga maduso nila ang impeachment nga walay katugbang nga kagubot.
Samtang, si Third District Representative Isidro Ungab usab nagbatikos sa pagduso sa impeachment, ug kini usa ka sumala pa “diversion” gikan sa kontrobersiyal nga mga blanko nga item sa BICAM report.
Dugang pa ni Ungab, nga ang impeachment usa ka “futile exercise,” ug gipaklaro niini nga usa kini ka pamaagi aron malikay sa anomalya nga proseso bahin sa budget, ilabi na ang 28 ka blank items gikan sa bicam report.
Samtang, si Davao City Mayor Sebastian Duterte, gibatikos usab si House Speaker Martin Romualdez ug President Ferdinand Marcos Jr. pinaagi sa social media post, nga misaysay og “cornered animals become aggressive”.
Kahinumdoman, nga gikompirma ni House Secretary-General Reginald Velasco, nga ang House of Representatives nakakuha na og igong supporta aron sugdan ang impeachment proceedings batok ni Bise Presidente Sara Duterte.
Kini magahatag og kahigayunan sa Senado sa paghimo sa musunod nga mga lakang.
