Patay ang usa ka senior citizen human nabanggaan kini sa usa ka van pasado alas otso kagabii. Subay sa report gikan sa kapulisan, giila ang biktima nga si Ofelia Aranas, 70-anyos nga residente sa Matina Pangi ning syudad.
Sa imbistigasyon sa kapulisan, samtang mitabok sa pedestrian lane sa Gulf View Crossing, Bago Aplaya kalit kining nabanggaan sa Toyota Hi-ace commuter van nga gimaneho ni Reynaldo Basa, 56-anyos, nga residente sa Tagum City, Davao del Norte.
Nasayran nga padulong sa Talomo Road ang nasampit nga van atol sa maong panghitabo. Dali nga narespondehan ang biktima ug gidala sa Southern Philippines Medical Center apan gideklara kini nga Dead on Arrival.
Sa pagkakaron, anaa na sa kustodiya sa kapulisan ang drayber ug ang sakyanan nga gimaneho niini.
