Anaa na sa kustodiya sa Maa Police Station ang wing van drayber nga miararo sa unom ka mga sakyanan og lima ka motor sa natigayong disgrasya sa Diversion Road, Maa ning dakbayan sa dabaw kagahapon sa hapon.
Base sa report, naila ang maong wing van drayber nga si Christopher Abalos, 34 anyos nga lumulupyo sa Pangasinan.
Saysay pa ni Abalos nga nawad-an matud pa og preno ang gimanehoan niining wing van nga miresulta sa pagdaro sa mga sakyanang anaa sa atubangan niining bahin.
Dali usab nga gidala ngadto sa balay tambalan ang napulo ka mga indibidual nga naangol diin sumala pa 3 niini ang kritikal ang kondisyon samtang usa ang gikatahong nakabsan nga giilang si James Narbais nga residente sa usab sa Maa ning dakbayan sa dabaw.
Sa pagkakaron ang maong drayber ang gikutodiya na sa kapulisan samtang ginahan-ay ang posibleng kasong paga-atubangon niini.
