Nagtoo si Davao City Mayor Sebastian Baste Duterte nga huyang ang kampanya ni Pres. Ferdinand Marcos Jr. labot sa war on drugs.
Gani, nagalikay matud pa ang kasamtangang pangulo sa hisgutanang droga. Subay sa obserbasyon sa pamilyang Duterte, magsige matud pa og likay ang pangulo.
Nanghinaot na lamang ang mayor nga di tinuod ang mga nanggawas nga impormasyong nagagamit og iligal nga droga ang pangulo.
Kahinumdumang niadtong milabay nga Enero 28 ning tuiga, unang gipahigayon ang Maisug Prayer Rally sa Rizal Park ning dakbayan, gibulgar ni FPRRD nga ang pangulo usa matud pa ka ‘bangag’.
Gihagit sab sa mga Indigenous People nga muresign kini. Sa pikas bahin, gipahinumdum sab ni Mayor Duterte niadtong tungura ngadto sa pamilyang Marcos nga og di matud pa tungod sa ilang amahan nga si ex-President Rodrigo Duterte, di matud pa mamahimong mabalhin sa libingan ng mga bayani si ex-Pres. Marcos, Sr.
