Samaron ang usa sa duha ka mga biktimang menor de edad atol sa natigayong hostage taking sa Bureau of Jail Management and Penology sa Digos City kagahapob adlawa.
Sumala pa ni Jail Superintendent Len John R. Bernal ang District Jail Warden sa Digos City, ang 3 ka mga suspetsadong mibuhat sa maong pagpanghostage giilang sila Dante Pendaton, 35-anyos nga naga-atubang og kasong frustrated murder; Jobert Masday nga nag-atubang og kasong murder ug Shelly Salda nga naga atubang og kasong homicide.
Wala pa usab hinganli ang duha ka mga biktimang menor de edad, apan nasayran nga kini sila ang nagpangidaron og 5 anyos ug 11 anyos nga igo lamang unta bisitahon ilahang uyoan nga anaa sulod sa BJMP.
Ang maong insidente ang milungtad og kapin duha ka oras diin aduna pay negesasyong nahitabo tali sa mga suspek og mga kapulisan.
Sumala pa nga buot sa mga suspek nga magpahatud ngadto sa Pindaton, Kiblawan og misaad kini sila nga ibilin ang mga gihostage ngadto sa barangay.
Pagbutyag sa opisyal sa BJMP nga nangisog sumala pa ang nga suspetsado maong nakadesidar ang sila nga i-assault ang mga suspetsado ug gumikan na usab nga ilahang nakita nga nasamdan ang singko anyos nga biktima.
Sa pagkakaron, padayon pa usab nga nagapa-alim ang mga biktima lakip na usab ang usa ka personahe sa BJMP nga nasamdan gumikan sa pagrescue sa 2 ka menor de edad.
Dugang pa sa maong opisyal nga mas hugtan pa karon ang seguridad sa maong prisuhan ug kasamtangan usab nga gisuspende ang pagbisita ngadto sa BJMP.
Sa karun laraw na nila nga awhagon ang mga ginikanan sa duha ka mga menor de edad aron magpasaka og kaso batok sa tulo ka mga suspetsado.
