Mibati og konsensya ang 36-anyos nga lalaki human nga misulod sa balay sa iyang silingan sa Monmouthshire, Wales. Giila kini nga si Damian Wojnilowicz, 36-anyos.
Apan, subay sa gikareport sa otoridad nga gisulod ni Damian ang balay ug nakita niini nga adunay labhonon ang tag-iya hinungdan nga iya kining giabrihan ug gipanghayhay ang mga sanina.
Samtang gibutangan usab og feeds ni Damian ang bird feeder aron makakaon ang mga binuhing langgam niini.
Sunod nga gibuhat ni Damian ang paglabay sa mga basura nga nagkatag sa recyle bin ug sa flooring nga bahin.
Nabantayan usab niini nga wala pa gisulod sa tag-iya ang mga pinalit niini nga groceries ug iya kining gitagsa-tagsa pagbutang sa Refrigerator ug katapusan nga gibuhat niini mao ang pagpang mop ug ang pagluto.
Gikakurat usab sa tag-iya nga dako ang kausaban sa iyang balay gumikan nalimpyo na kini sa iyahang pagbalik ug naghatod ngadto sa tag-iya sa kabalaka ug kahadlok.
Gumikan sa iyahang nakita, gisubay niini ang kuha sa CCTV ug iyang nakita an iyahang silingan nga si Damian hinungdan nga iya kining gireport sa police.
Gipasakahan og kasong burglary si Damian ug nahukman nga guilty sa korte bisan paman nga wala niini gikuha nga mga butang apan nagdala kini og kahadlok sa biktima.
Nasuta nga wala diay kapuy-an si Damian ug upat na kini ka higayon nga napriso tungod sa mga kasong common assault, public order offenses, ug pakyas sa pag surrender.
Apan bisan paman sa ihahang kahimtang, wala pasayloa sa biktima hinungdan nga gipahamtangan kini og 22 months nga pagkapriso.
