DAVAO CITY – Patay ang usa ka wala mailhi nga driver human nga nawad-an kini og kontrol sa iyang gimanehong motorsiklo pasado alas 12 ang takna kaganinang kadlawon.
Subay sa report sa Traffic Enforcement Unit sa kapulisan, nga ang maong motor naglawig sa Daang Maharlika Highway gikan sa Bunawan Proper paingon sa Panacan ning siyudad.
Pag-abot sumala pa sa Purok 21, Budbud, Bunawan, ning dakbayan, nawad-an sumala pa og kontrol ang drayber human nga nabangga kini sa daplin sa kalsada hinungdan sa pagkahaybol niini.
Tungod sa nahitabo, nahulog sa dalan ang biktima nga miresulta sa hinanaling kamatayon tungod sa pagkabunal sa ulo sa semento nga kalsada.
Nasayrang walay lisensya ang driver ug wala sab OR/CR ang maong motorsiklo nga gimanehuan niini nga adunay plate number nga L137HH.
Sa pagkakaron, sa punerarya ang driver, samtang ang motor gikustudiya na sa kwerpo sa kapulisan.
