Pump boy, gitigbas sa kustomer, angol!

Davao del Norte – Natigbasan sa iyang kustomer ang usa ka pump boy samtang nagpagasolina gahapon sa Purok 13, Brgy. San Miguel, Tagum City, Davao del Norte, Oktobre 13 ning tuiga,pasado alas 12 ang takna sa kadlawon.

Subay sa inisyal nga imbestigasyon sa kapulisan, igo ra nagpatubil ang suspek, apan kalit niining gitigbas ang biktima sa nawong rason nga nakahiagom kini og samad sa nawong.

Hinoon, gilayong nakadagan ang biktima ug gitabangan sa mga nakakita rason nga nadala kini sa balay tambalanan.

Samtang, ang suspek nga giilang si Rodolfo Cantiveros anaa na sa kustodiya sa kapulisan.

Sa karon, padayon pa nga nagapaalim, samtang ang suspek daw wala sa kaugalingon human nga nadakpan.