Ganahan matud pa si Davao City Mayor Sebastian ‘Baste’ Duterte sa ayudang ginaapod-apod sa administrasyong Marcos Jr dinhi sa dakbayan.
Gani, gikahinaman matud pa niini ang subling pagbalik ni House Speaker Martin Romualdez aron nga manghatag og ayuda dinhi sa dakbayan.
Sa pikas bahin, gisaway sab ni kanhi Pang. Rodrigo Duterte ang mga ayudang gipanghatag matud pa sa Marcos administration, inay nga sulbaron ang problema sa nasud.
Kahinumdumang nanghatag og ayuda si House Speaker Martin Romualdez niadtong milabay nga bulan sa Setyembre pinaagi sa Assistance to Individuals in Crisis Situation (AICS) ug Ayuda para sa mga Kapos ang Kita (AKAP) diin 12,000 matud pa ka mga benepisyaryo ang nakadawat og tabang pinansiyal nga gilangkuban sa healthcare workers, estudyante, ug mga magtutudlo og halos P100-M.
