Padayong mi-arangkada ang mga Pinoy cue masters sa world stage homan nadugang si Jeffrey Ignacio sa listahan sa mga bag-ong champion.
Gidumalahan ni Ignacio ang 37th Japan Open men’s 10-ball homan gipildi si Lin Tsung-Han sa Chinese-Taipei pinaagi sa 8-3 nga kadaugan.
Nakuha ni Ignacio ang mukabat sa $9,400 nga premyo o katugbang sa mosobra sa P500,000 nga premyo.
Nakasulod si Ignacio sa finals sa dihang gipildi niini si Japanese bet Satoshi Kawabata sa semifinals sa score nga 7-5.
Nahimong inspirasyon usab niini sila si reigning world champion Rubilen Amit ug Johann Chua nga susamang presko pa sa ilahang kalampusan sa pakigsangka.
Kung kahinumduman, gisugdan ang kadaugan ni Amit sa dihang nasungkit niini ang kampeonato sa 2024 Masse WPA Women’s World 9 Ball Championship niadtong adlaw nga miyerkules ug gisundan kini ni Chua ug usa pa ka kampeonato alang sa Pilipinas, homan kini ang nagdumala sa China Open 9-Ball sa Shanghai, China.
