DAVAO CITY- Nagapadayon matud pa sa pagkalot sa yuta sa Philippine National Police (PNP) ang usa ka bahin sa luna sulod sa Kingdom of Jesus Christ (KOJC) compound diin sumala pa na-detect ang heartbeat nga 20-30 meters gikan sa yuta gamit ang ground breaking penetrating radar.
Sumala pa ni PNP Spokesperson Col.Jean Fajardo, ilaha kining gigamit nga detector atol sa search and rescue operations kon adunay kalamidad ug mangita og mga timailhan sa kinabuhi.
Namatikdan sab sa mga otoridad nga ginapugngan sila sa mga supporters ni Quiboloy nga makaduol sa lugar nga ilang gitarget nga gituohan nga gitagoan ni Quiboloy.
Hinungdan nga dako ang pagtuo sa PNP nga anaa ngtago sa ilawom sa yuta ang puganteng pastor ug mga kauban niini nga mga akusado.
Samtang, nasikop sa PNP ang duha ka indibidwal nga sakop sa KOJC human giingong miinsister nga mosulod sa compound bisan pa man sa hangyo nga dili sila pasudlon samtang nagpadayon ang search and rescue operations sa kapolisan.
Dugang pa sa opisyal nga dili moluwat ang kapolisan bisan pa man sa kakapoy, pagmata ug kagutom ug motuman kini subay usab sa direktiba ni PNP Chief Pol. Gen. Rommel Francisco Marbil.
