DAVAO CITY- Mopatawag si Senador Ronald “Bato” Dela Rosa ug usaka pagdungog sa senado may kalabutan sa mga kaso nga gi-atubang ni Pastor Apollo Quiboloy.
Miabot si Dela Rosa sa KOJC compound kagahapon sa hapon aron personal nga mastua ang kasmatangan nga sitwasyon human makadawat ug mga report nga adunay namatay ug mga nangasamdan human miulbo ang kagubot atol sa pag-serve sa warrant of arrest sa PRO 11 kang Quiboloy sa pagpanugna ni PBGen Nicolas Torre lll.
Gibutyag usab ni dela Rosa nga iyang gihinabi si Torre, lakip na si Atty Israelito Torreon ug lain pang mga tag-as nga opisyal sa KOJC nga magsinabtanay ug ipatigbabaw ang pagka-makalmahon.
Hinuon gipaslaig sumala pa ni Torre ngadto sa senador nga tiwason lamang nila ang ilang operasyon sanglit aduna pa silay na-detect nga heartbeat ilalom sa yuta.
Gipamugos usab ni dela Rosa nga dili angayang pugngan sa kapulisan ang si bisan kinsa nga miembro sa KOJC nga mogawas o kaha mosulod sa compound ug labaw sa tanan dili usab angayang okupahon o magpabilin ug dugay ang kapulisan sulod sa maong compound sanglit usa kini ka pribadong propedad.
Sa pikas bahin, gibutyag usab ni Atty Israelito Torreon nga gi-uyunan na usab sa mga opisyal sa KOJC nga magpadayon ang kapulsan sa ilang pagpangita kang Pastor Quiboloy gamit ang heartbeat detector aron mahuman ug makapahulay na usab silang tanan.
Gi-ubanan ang kapulisan sa mga sakop ug opisyal sa KOJC aron masiguro nga mosunod gayud kini sa balaud.
