DAVAO CITY- Mokabat sa P1.4 milyon ang kantidad sa iligal nga droga ang nakumpiska sa mga otoridad gikan sa duha ka mga indibidwal atoll sa gilusad nga drug buybust operation.
Subay sa report gikan sa Buhangin PNP, gilusad abg operasyon pasado ala-una ang takna kaganihang kaadlawon sa Emily Homes Gate 2, duol sa Gasoline Station , Brgy. Cabantian ning dakbayan sa Davao.
Naila ang mga dinakpan nga sila alias “KUYA” usa ka High Value Individual, ika-walo sa Regional Level, 33-anyos nga taga Bislig City, ug kauban niini nga si alias Neste , (HVI) ika-unom sa City Level,32-anyos nga taga Brgy. Uyaan Madamiba, Lanao Del Sur.
Atol sa gipahigayon nga joint drug buybust operation nakumpiska sa mga nahisgutan ang mga nagkadaiyang gidak-on sa pakete sa iligal nga droga kon shabu nga adunay street value nga Php1,432,620.
Samtang gawas sa iligal nga droga , nakumpiska sab sa mga otoridad ang .38 revolver nga adunay mga bala, lakip sab ang cellphone nga gigamit sa transaksyon.
Sa karon ang mga dinakpan ang gikostudiya sa Buhangin PNP ug gikatakda karong adlawa pasakahan kini ug kasong pagsupak sa RA 9165 ug ang kasupakan sa RA 10591 kabahin sa paghupot ug armas nga walay mga dokumento.
