DAVAO REGION- Gikatakda na nga mapalit ang P29 nga kilo sa bugas dinhi sa rehiyon.
Subay sa gipamahayag sa opisyal sa NIA Davao Region nga ang nasampit nga bugas mapalit na kini sa katawhan sa unang semana sa bulan sa Nobyembre.
Gikanayon sa tigpamaba sa ahensya nga si Ninotchka Marie Cabañero, nga dungan sa pagbaligya sa nasampit nga presyo, sa bulan sa Disyembre mao kini ang bulan nga gikonsiderang “possible display month” alang sa barato nga bugas gumikan kini ang adunay bastante nga suplay sa bugas.
Gipaklaro sa opisyal nga ang pagbaligya sa 29 pesos ang kilo sa bugas ang adunay subsidiya gikan sa nasudnon nga panggamhanan nga kini ang kabahin sa programa sa NIA XI.
Target nga mabaligyaan niini mao ang mga pamilya nga myembro sa 4ps, mga senior citizen, solo parents, ug persons with disabilities.
Kahinumduman nga gisudan na ang maong programa sa siyam ka mga lugar sa Metro Manila ug sa Bulacan sa nakalabay nga semana.
Sumala pa sa opsiyal nga ang barato nga presyo sa bugas, isuplay kini gikan sa bot sa mga mag-uuma nga benepisyaryo sa Contract Farming Program sa NIA gikan sa nagkadaiyang kwalipikado nga mga asosasyon sa irigasyon sa tibuok nasud.
Sa karon adunay gipasalig ngadto sa mga mag-uuma nga nakahatag kini sa kagamhanan ug pagkaon pinaagi sa ilahang ani nga bugas nga paliton sa kagamhanan.
