Giduso karon ni Davao City 1st District Representative Paolo Duterte ang House Bill 10744 nga nagtumong sa pagpatuman og mandatory random drug test alang sa tanang appointed ug elected public officials sa tibuok nasud.
Kini ang nagtumong sa pag-require sa tanang opisyales nga mo-undergo sa hair follicle test kada unom ka bulan, partikular na sa mga officials ug public offices lakip na ang pangulo sa nasud.
Sumala pa ni 1st District Representative Paolo Duterte, kinahanglan nga ang mga public officials ug mga kawani sa gobyerno ang labing una nga mosuporta sa maong mandato pinaagi sa pagsumite sa ilang kaugalingon alang sa katumanan niini.
Nag-awhag usab ang maong sugyot sa pag-institutionalize sa voluntary random drug testing sa mga kandidato alang sa electoral posts sulod sa 90 ka adlaw sa wala pa ang adlaw sa eleksyon uban ang pag-amendar sa katuyoan sa Republic Act 9165 o The Comprehensive Dangerous Drugs Act of 2002.
Sumala pa sa maong opisyal, maayong inisyatiba kini sa pagpakgang sa paggamit ug pag-abuso sa illegal nga droga hilabi na ang pagmintinar sa peace and order, liberty, ug pagpromotar sa kaayohan sa katawhan uban ang pasalig nga wala nagagamit ang bisan kinsa mang opisyal sa ginadili nga droga.
Sumala pa nga kung mapatuman ang balaodnon, ipahigayon ang testing sa nagadaiyang governent forensic laboratories ug bisan unsang drug testing laboratories nga accredited sa Dpertamnt of Health.
Kalabot niini, daghanang katawhan sab ang nisuporta ug niuyon sa maong inisyatiba uban ang panghinaot nga walay bisan kinsa mang opisyal ang nalambigit niini.
