DAVAO CITY- Nagkanayon si Davao City Mayor Sebastian ‘Baste’ Duterte nga ginagamit lamang sa kasamtangang administrasyong Marcos ang mga kapulisan aron masunod ang ilahang mga buot nga mahitabo.
Ang giluwatang pamahayag sa mayor ang kalabot sa mga matud pa kapulisan nga nagmuntar og checkpoint sa may atubangang bahin sa Kingdom of Jesus Christ (KOJC) compound nga nahimutang sa may Buhangin ning Dakbayan duol sa Davao International Airport nga matud pa alang lamang sa police visibility.
Sumala pa ni Mayor Baste nga naga-tuyok-tuyok na lamang ang istorya apan mahibalik higapon kini sa hisgutanang walay mamuntar nga checkpoint og walay clearance nga maka operate ang mga kapulisan.
Kahinumdumang gawas sa maong checkpoint nga gimuntar duol sa KOJC, gikahibulong usab sa mga katawhan ang pagbutang og checkpoint ngadto sa may Tamayong, Calinan District ning syudad kon diin nahumutang ang lain pang property sa KOJC leader nga si Pastor Quiboloy.
Kahinumduman usab nga niadtong mga milabayng semana, matud nahimong hinungdan sa bug-at nga dagan sa trapiko ang gipahigayon nga chekcpoint atubangan sa KOJC.
Dugang pa sa maong alkalde nga kinahanglan gayud nga masabtan sa mga katawhan nga kining mga panghitabua ang dria lamang nahitabo sa syudad sa Davao diin gina ‘single-out’ matud pa ang syudad sa tibuok nasud Pilipinas.
Matud pa nga ginapamugos na lamang sa mga nagpaluyo niini ang ilahang naratiba aron nga masunod ang ilahang buot mahitabo.
Dugang pa niini nga iyaha na gayud gina anticipate pa ang mga pagabuhaton sa maong administrasyon tungod kay nagatuo kining adunay pay mga mosunod nga mahitabo nga power tripping ngadto sa mga dabawenyo.
