Nagpahigayon og Oplan Balik Eskwela 2024 Road Safety lecture ang Land Transportation Office (LTO) 11 sa Buhangin Central Elementary School diin tumong niini nga masuportahan ang road safety advocacy alang sa mga studyante.
Naghatag usab og defensive driving techniques ang LTO staff ngadto sa mga faculty members.
Sumala pa nga gikatakda usab nga magpahigayon ang LTO 11 og susamang advocacy ngadto sa Kapitan Tomas Elementary School, Agro Industrial Foundation College, Sta. Ana National High School, ug sa Sulop National High School sa Davao del Sur.
Samtang sa pikas bahin, nanawagan karun ang LTO 11 ngadto sa mga drivers nga sundon ang mga traffic signages nga nakabutang sa kalsada alang sa kaluwasan sa kadaghanan.
Gibutyag ni LTO 11 Law Enforcement Section Head Yuri Lim nga usa ang disregarding traffic signs ang dunay taas nga ihap nga ginalapas sa mga drivers.
Dugang pa ni Lim nga ilabi karong abli sa klase, ilang na obserbahan nga bisan anaa nay No Parking Sign sa kalsada, padayon gihapon silang makasakop og mga nagaparada.
