DAVAO CITY- Nagkanayon si Police Regional Office kon PRO XI Regional Director Brig. Gen. Nicolas Torre III nga ginamanipula lamang matud pa sa mga kapulisan sa dakbayan ang rekord aron makahatag og impresyon nga adunay low crime rate ang syudad sa dabaw.
Isip probewa niini, gipakita ni Torre kagabie ang duha ka libro nga “blue blotters” nga nakuha gikan sa Police Station 10 kon Calinan Police Station atol sa blotter validation nga nahitabo human kini siyang milingkod isip labaw sa PRO XI.
Matud pa nga ang duha ka blue nga libro ang adunay hard bound cover ug adunay sulod nga sinulat nga mga entries sa gipangreport nga daily crimes sukad pa sa pag-isyu sa maong libro niadtong Hunyo 2, 2023.
Sumala pa ni Torre nga ang daghang mga entries sa blue book ang mahimong dili tukma nga giklasipikar isip mga krimen o gimarkahan nga “alang sa rekord lamang,” nga nagpakita nga kini ang gisulat lamang sa libro alang sa dokumentasyon ug dili gayud tinuod nga mga krimen.
Dugang pa ni Torre nga ang blotter validation ang usa ka regular nga ginabuhat sa mga empleyado sa Philippine National Police aron iberipika ang mga nataho nga mga kaso.
Sumala pa ni Torre nga kini ang literal nga ‘half-truth’. Dugang pa niini nga dili gayud daw siya mabasol tungod kay nagatinabunay matud pa ang mga kapulisan sa davao.
Dili daw usab kini mabasol og makahuna-huna kini nga dili magsulti sa tinuod ang mga kapulisan. Sigon pa ni Torre nga dili niya buot nga dauton ang komunidad og asa kini nagatrabaho apan namatikdan gayud daw niini nga dili sakto ang maong mga gitaho nga kaso.
Pagpaklaro pa niini nga usa sa rason luyo sa pag-sigeg hulip sa mangulo sa Davao City Police Office (DCPO) ug ang pakarelief sa 19 ka mga station commanders sa milabayng buwan ang tungod sa manipulasyon sa crime statistics aron mapakita nga adunay low crime rate ang syudad sa Dabaw.
