DAVAO CITY- Gipatas-an pa sa Kingdom of Jesus Christ (KOJC) ang gitanyag nga reward money sa gobyerno alang sa makatudlo sa gikahimutangan ni Pastor Apollo Quiboloy ug sa upat pa niining kaubanan.
Sumala pa sa KOJC, pagatugbangan nila ang P10M nga ganti ug P20M alang usab sa makatudlo sa kinsa mang boot mopatay ug modakop kay Pastor Quiboloy.
Ang maong inisyatiba ang gibuhat sa maong myembro sa simbahan aron sa paghatag sab og seguridad sa ilang katawhan. Kini human nahimo nang hulga ngadto sa mga anaa sulod sa KOJC ang pagmuntar og mga mobile patrols ug kapulisan gawas sa maong lugar.
Una nang nihatag og katin-awan si PBGen Torre nga nagsilbi kining inisyatiba nila alang sa pagmintinar sa kalinaw sa syudad hilabi pa nga nagsilbing exit point sa syudad ang atubangan sa KOJC.
Gumikan sa maong pamahayag, niani kini og daghanang pagsaway tungod dili makonsiderang exit point ang maong lugar hilabi pa nga aduna Panacan, Tibungco, ug Panabo nga mas labing makonsidera nga exit points. Ning kasamtangan, wala pa nipaguwa og pormal nga pamahayag ang KOJC kabahin niini.
