Gisita ni Senador Alan Peter Cayetano ang Department of Public Works and Higways (DPWH) sa dili niini kumpleto nga flood control projects atol sa Bagyong Carina.
Sumala kay Cayetano nga nakuhaan unta ang epekto sa Bagyong Carina kong nahuman lamang sa DPWH ang dugay na nga flood control projects niini.
Kini ang human gipailawom sa State of Calamity ang Metro Manila ug lima ka kasikbit nga probinsya human nga milubog kini sa grabeng pagbaha tungod sa bagyo nga naka-apekto sa 882,861 indibidual o 183,464 ka pamilya gikan sa 686 ka barangay sa tibuok nasud niadtong Hulyo 24, 2024.
Gisaway na ni Cayetano ang DPWH sa pagdungog sa Senado niadtong milabayng tuig atol sa 2024 national budget gumikan matud pa sa daghang tuig nga nakalangan kini sa pagkumpleto sa flood control projects.
Gikwestyon usab sa senado ang paggahin og pondo sa maong mga proyekto ug gisugyot niini nga ipokus nalang kini sa pagbuhat og bag-ong mga imprastraktura.
Gikwestyon usab sa magbabalaod ang maintenance ug rehabilitation budget sa DPWH nga milapas na sa P200 bilyon- kapin kon kulang sa kinatibuk-ang budget niini nga P737 bilyon- og kong paunsa nga wala kini milampos nga proyekt oaron matubag ang maong isyu.
Unang nakab-ot ang mga plano sa gobyerno nga tubagon ang halapad nga pagbaha sa nasud ug makuhaan ang mga gasto, nanawagan si Cayetano og mas kusog nga suporta ug saktong pagpondo alang sa mga ahensya sa gobyerno, sama sa Department of Science and Technology kon DOST.
