DAVAO REGION- Padayon karon ang gilusad nga imbistigasyon sa kapulisan sa dakbayan sa Tagum human sa nahitabong pagpangawat sa usa ka simbahan.
Sa karon nag-awhag ang mga otoridad sa katawhan nga kung adunay kasayuran sa maong panghitabo gilayon nga makiglambigit ngadto kanila alang sa kasulbaran sa maong panghiatabo.
Kahinumduman nga una ng nag-viral ang post sa social media sa usa ka Cherryl Arizabal kabahin sa nahitabong pagpangawat sa usa ka simbahan nga nahimutang sa Purok 28-A, Kawayanan, Madaum, Tagum City.
Sumala pa sa nahisgutan nga nakuha sa kawatan kwarta nga nagakantidad ug P10,000, gitara ug cellphone.
Nahitabo sumala pa kini Byernes sa kaadlawon ang pagpanglungkab ug na-report ngadto sa kapulisan pasado alas jes sa buntag.
Nsayran nga walay nakamuntag nga CCTV sa nasampit nga simbahan hinungdan nga dakong hagit usab kini sa mga otoridad kung unsaon sa pag-ila sa responsabling indibidwal nga mikawat sa mga kabtangan.
Samtang nagpahimangno sab ang mga otoridad sa mga katawhan nga kung adunay mga susamang panghitabo gilayon nga i-report kini sa otoridad inay i-post sa social media.
