Gikabutyag ni Julie Dayaday, ang labaw sa City Social Welfare and Development Office (CSWDO) nga mamahimo nang magtukod pag-usab ang mga residenteng naapektuhan sa natigayong halapad nga sunog niadtong milabayng semana sa Magallanes Riverside, Brgy. 2-A ning dakbyan sa Davao.
Matud pa ni Dayaday nga ang maong luna ang usa ka private owned ug wala matud pay gipagawas nga abiso nga kini sila ang dili na tugutan nga magtukod sa mao nga dapit.
Base sa datos nga gipagawas sa CSWDO, mikabat sa 64 ka mga istraktura ang totally damaged, diin 56 niini ang mga renter nga naapektuhan, 27 ka mga sharer ug 34 ka boarders.
Ning kasamtangan adunay duha ka mga eskwelahan ang gibuhat nga evacuation center sa mga apektadong residente diin sa Magallanes Elementary School anaa ang 31 ka pamilya ug 146 ka mga indibidual.
Samtang anaa usab sa Bolton Elementary School ang 21 ka pamilya ug 112 ka mga indibidual.
Nahatagan na matud pa ang maong mga naapektuhan sa sunog og welfare goods diin lakip na niana ang hygiene kit, kitchen utensils, grocery ug food packs gikan sa CSWDO, tabang gikan kay Congressman Paolo ‘Pulong’ Duterte ug mga national agencies sama sa Office of the Vice President diin personal nga mibisita ang bise Presidente niadtong milabay nga adlaw.
Pagbutyag pa niini nga makadawat gayud og tag baynte mil pesos ang mga nasunugan nga totally damaged ang panimalay, samtang 10 mil ang madawatan sa mga sharer ug renter ug tag 5 mil pesos alang sa mga boarders.
Kini siya, just merely assistance, dili pud jud ni makatukod sa ilahang balay, but if they wait from the assistance form the City Government, amoa ng gina process ang ginapaningkamotan
Julie Dayaday, Head of CSWDO said during ISpeak forum.
Dugang pa niini nga ilaha ng gina-meeting ang mga residenteng nasunugan og ilaha kining gipasabot nga sunod semana na lamang kini sila taman sa maong mga evacuation centers tungod kay magsunod na ang klase sa maong mga tulunghaan.
Ning kasamtangan nakipag-coordinate na kini sila sa Department of Social Welfare and Development ug Barangay Officials aron sa dugang tabang alang sa mga residenteng nasunugan ilabi na sa ilahang kabalhinan.
