DAVAO CITY- Nakaandam na ang Davao City Police Office (DCPO) alang sa umalabot nga Kadayawan Festival ug Ironman.
Kini ang gikumpirma sa tigpamaba sa DCPO nga si P/Capt. Hazel Tuazon kung diin ning kasamtangan, ginaplansa na ang total number of deployment sa ilang mga personnel.
Gipasalig sab sa opisyal nga adunay ipahigayon ang send-off ceremony alang sa tanang motabang sa pagbantay sa Davao City.
Alayon niini, subling nagpahimangno si Tuazon alang sa mga boot mobisita ug mosalmot sa maong mga aktibidad sa pagsunod sa safety protocols.
Kalakip sa gipahinumdom sa opisyal mao ang dili pagdala og backpack, pagdala og hinagiban, pagdala og dili transparent water bottles ug uban pa.
Sumala pa nga dili gayud maangkon ang kalampusan sa mga ipahigayong aktibidad sa Davao City kung wala ang kooperasyon gikan sa katawhan.
Sa pikas bahin gipasalig sa opisyal nga nagpabiling hapsay ug malinawon ang syudad ubos sa pagdumala ni PCol. Hansel Marantan gumikan na usab sa ginapadayag nga suporta sa LGU, Brgy. Officials, ug komunidad.
Una na sab gitagaan og gimbug-aton ni PCol. Maratan ang pagpakunhod sa crime solutions pinaagi sa crime preventions diin gikinahanglan ang suporta sa katawhan nga maoy motabang sa pagtaho sa otoridad kung aduna may mga mabantayang kadudahang aksyon.
