Gipanghimakak matud pa sa kapulisan nga nadakpan na si Paulene Canada, sigon sa legal counsel sa Kingdom of Jesus Christ, Atty. Israelito Torreon.
Apan, sa dihang nakakuha og footage sa video ang kampo sa KOJC atol sa gipahigayong operasyon, gibawi matud pa sa otoridad ang ilang unang pamahayag.
Naaresto kagahapon si Canada, pasado ala sa hapon, Hulyo 11 ning tuiga ngadto sa panimalay niini sa Emily Homes pinaagi sa pagsilbi sa warrant of arrest gumikan dunay usa matud pa ka babaye ang mihatag og impormasyon nga nakita niini si Canada.
Kahinumdumang nag-atubang sab og kasong Qualified Human Trafficking ug Child Abuse ang dinakpan.
Gani, ang pagkasikop kang Canada usa ka produkto sa joint operation gikan sa security agencies ug magpadayon kini aron madakpan sab ang nagpabilin pang ginapangita.
