Gipaabot na lamang karon sa Davao City Police Office ang pag-abot sa bag-ong City Director nga si Police Coronel Hansel Maranta.
Sumala pa ni P/Capt. Hazel Tuazon ang tigpamaba sa DCPO nga aduna na’y kumpirmasyon sa pagtuboy kang Col.Maranta nga magsilbing OIC sa DCPO.
Gidugang pa niini nga ang Camp Crame maoy nagpili sa opisyal nga molingkod isip DCPO Director nga hulip kang PCol. Sherwin Butil nga gituboy kagahapong adlawa isip OIC sa DCPO sulod sa kapin usa ka oras lamang.
Apan gipaklaro sa opisyal nga wala kini nakalingkod si Butil tungod gibakwi man dayon ang pagtuboy kaniya.
Sa pagkakaron ang DCPO ang gidumalaan ni PLt.Col.Jade Clamor gumikan si PCol. Suguilon ang on-leave karong panahuna.
Kahinumduman nga nahimong hisgutanan ang liderato sa DCPO kagahapong adlawa tungod sa kalit nga mga kausaban sa gipahimutang nga OIC sa DCPO.
Una ng gipalingkod si Col. Lito Patay, apan wala lamang kaabti ug lima ka oras gi-relieve na kini sa iyahang katungdanan ug gipuli si Col. Butil, apan paglabay sa kapin oras lamang gipulihan dayon sab kini ni Col.Sherwin Maranta nga padulong pa dinhi sa dakbayan nga gikan sa kauluhan.
