DAVAO CITY- Gikwestyun karon sa mga supporters ni Kingdom of Jesus Christ Leader Pastor Apollo Quiboloy ang dakong kantidad sa kwarta nga gitanyag sa DOJ aron kini madakpan.
Sumala pa ni Queeni Laude, Vice Chair sa Development in Diversity and Solidarity in Europe, kahibulongan kaayo ang pagtanyag og dakong kwarta sa Pastor nga walay laing gibuhat kondi kaayohan lamang sa mga myembro niini.
Sigon ni Queeni nga mas masabtan pa ang sitwasyon kung itanyag kini ngadto sa mga indibidwal nga adunay dagkong kalapasan sa nasud.
Dugang pa sa nahisgutan nga mas maayong ihatag na lamang ang maong kantidad sa labing nanginahanglan o di kaha sa mga nanginahanglang ahensya sa nasud aron daghan ang makapahimulos.
Dako matud pa og pagtoo si Queeni nga adunay sagol pamulitika ang lakang kay Quiboloy, hilabi pa sa koneksyon niini sa pamilyang Duterte.
Alayon niini, gihagit karon ni Queeni ang gobyerno nga tumanon usa ang mga saad niini atol sa eleksyon gumikan daghang mga pilipino na ang naglisod tungod sa grabeng pagtaas sa mga palaliton.
