Malaumon ang usa ka coach ning dakbayan nga makab-ot sa Davao Eagles ang kadaugan sa umalabot nga Palarong Pambansa 2024.
Sa exclusibong pakighinabi sa Bombo Radyo Davao ngadto kay Stephanie Aballe-Hefervez, coach sa Pencak Silat, gisaysay niini ang ilang mga gihimong pagpangandam uban sa paningkamot nga makauli og medalya ug pasidungog sa dakbayan.
Usa matud pa sa ginatagaan niini og dakong pagtagad isip coach mao ang mental aspects sa mga bata gumikan baliwala lamang matud pa ang grabeng pagbansay kung pasagdan lamang ang mental nga aspeto sa mga bata.
Matag higayon, gina-istorya niini ang iyang mga sakop kung aduna ba kini kahadlok o problema aron nga mahimong maayo ang bation sa bata ayha paman kini nga modula.
Sumala pa ni Hefervez, dili gayud malikayan ang kahadlok ug kakulba nga mabatian sa mga bata apan mamahimo usab kini nilang kusog sa pagpadayon ug pagpaningkamot nga mahimong madaugon.
Ning kasamtangan, familiarization ug conditioning na lamang ang ilang ginahimo samtang ginapaabot ang opening karong Hunyo 9.
Kalabot niini, nanawagan ang nahisgutan sa mga boot mohatag og dugang gears susama na lamang kickpads ug mats nga magamit atol sa ilang padayong pagbansay.
Hinoon, all out support sab ang gipadayag sa lokal nga panggamhanan sa Davao kung diin kahinumduman nga daan nang mipasalig sa Davao Eagles nga mohatag og incentives apan nagadepende gihapon ang kantidad niini sa mga medalya nga makab-ot sa mga atleta ug ang masabotan sa LGU
