Samtang gibaha ang dakbayan sa Davao niadtong adlaw nga dominggo, nahimutang usab kuno sa Tacloban City si Mayor Sebastian Duterte aron kuno mangampanya.
Gumikan niini, giplanuhan sa Department of Interior and Local Government (DILG) nga kuhaan ug pamahayag si “Baste” kung nganong wala kini sa dakbayan sa Davao samtang nahitabo ang pagbaha.
Matod pa sa DILG, nakabutang sa Local Government Code nga ang local chief executive ang gikinahanglang anaa sa iyahang area of responsibility aron maseguro ang kaluwasan sa mga constituents panahon sa kalamidad.
Kung kahinumduman, usa ka makusog nga flash flood ang miigo sa Toril ning dakbayan sa Davao homan ang pipila ka adlaw nga pag-ulan sa lugar.
Makita sa usa ka hulagway ug video nga gi-post sa mga taga-Tacloban City ang mag-amahang Rodigo ug Baste Duterte sa entablado nga daw nangampanya na.
Samtang kung kahinumduman, gipahayag ni Vice President Sara Duterte nga mudagan ang amahan niini ug duha ka-igsuon sa senado sa 2025 midterm election.
