DAVAO CITY- Gikumpirma sa Davao City Police Office kon DCPO nga aduna nay ginakonsiderang potensyal nga kandidato isip hulip sa gitangtang sa si Colonel Richard Bad-ang ug 34 ka lain pang personahe.
Sumala pa sa tigpamaba sa DCPO nga si Police Captain Hazel Tuazon nga bisan pa man aduna nay mga nanggawas sa pangalan, wala pa gihapon opisyal nga desisyon mahitungod sa ipuling bag-ong officer-in-charge gani pagpaklaro niini nga ongoing pa gihapon ang ginabuhat nga selection process.
Samtang sa pikas bahin, nagkanayon usab ang tigpamaba sa Police Regional Office XI nga si Police Major Catherine Dela Ray nga nagapadayon usab ang summary hearing sa 35 ka mga opisyal nga gi-relieve sa pwesto.
Ang maong pagdungog ang adunay kalabutan sa anti-illegal drug operation nga miresulta a kamatayon sa pito ka drug personalities niadtong bulan sa Marso 2024.
Matud pa ni Dea Ray nga, aduna silay ginapa-abot nga resolution gikan sa Regional Internal Affairs Service mahitungod sa resulta sa imbestigasyon.
Samtang wala pa’y update, giklaro ni Dela Rey nga kung ma-exonerate ang mga opisyal posibleng mabalik sa ilang kanhing posisyon.
Ang labing taas nga silot sulod sa Philippine National Police (PNP) mao ang dismissal sa serbisyo, samtang ang minimum nga silot mao ang 180 ka adlaw nga pagkasuspenso.
