Nagtinubagay si United States President Joe Biden ug kanhi President Donald Trump atol sa ilahang labing unang televised debate sa 2024 election diin sa dihang nag-abot sa entablado, wala sila naglamanuhay.
Gisugdan ang debate alas nuybi kagahapong adlawa oras dinhi sa Pipilinas pinaagi sa pangutana kalabot sa inflation kung diin gibutyag ni Biden ngadto sa mga botante, nga sila ang naalaot dayon gibasol si Trump tungod sa gibilin niini nga nahugnong ekonomiya uban sa pagsaka sa unemployment.
Gibutyag pa niini nga kinahanglan nilang maghiusa tungod sa kadaghan sa mga dili maayong panghitabo panahon sa administrasyong Trump nga wala man lama’y gihimo sumala pa ang kanhing Pangulo.
Namatikdan usab ang pila ka higayong paggamit ni President Biden sa mga pulong nga “chaos” kon gubot. Mitubag gilayon si Trump sa unang pangutana kalabot sa ekonomiya ug taas nga inflation kondiin iyang gipasi-atab nga nakab-ot sa Amerika ang “greatest economy” dihang siya pa ang presidente.
Dihang na-igo matud pa sa COVID-19 ang ilang nasud, ilang gigasto sa insakto ang kwarta sa ingon dili matud pa sila musangpot sa great depression. Maayo matud pa ang dagan sa tanan dayong atake sa mga COVID policies ug economic track record sa Biden administration.
Sa dihang kang Biden na ang higayon nga mutubag, gipadayag niini nga ang gi-claim ni Trump nga nakamugna siya og pinaka-maayong ekonomiya, nakabenepisyo lang sa mga adunahang Amerikano.
Sa pangutana usab kung ang taripa, mipasaka ba sa presyo, gipadayag ni Trump nga iyang gihatag ngadto sa mga botante ang labing dako nga tax cut sa kasaysayan sa Amerika.
