Gibutyag sa Coast Guard District Southeastern Mindanao ang bag-uhay lamang nilang pagpahigayon og comprehensive seminar ug on-the-job training program alang maandam sila sa deputisasyon sa ilahang pagtabang aron ipatuman ang balaod sa trapiko.
Sa pagpanguna ni Coast Guard Ensign John Paul Estilo ug mga myembro sa Special Action and Intelligence and Committee for Transportation kon SAICT Team, ilahang natun-an ang advanced skills ug kahibalo nga gikinahanglan alang sa epektibong pagsumpo sa mga ilegal nga kalihokan sa transportasyon, o colorum nga mga operasyon a Southeastern Mindanao.
Matud pa nga ang maong hands-on OJT component ang gatugot sa mga trainees nga i apply ang ilahang nahibal-an sa mga tinuod nga scenario, ug aron masiguro usab nga andam na sila nga ideply.
Sumala pa ni Ensign Ronald Garcia ang operations chief sa Coast Guard Davao Station nga ang maong inisyatiba ang nagapakita sa lig-on nga colaborasyon tali sa Coast Guard District Southeastern Mindanao, Philippine Coast Guard ug Land Transportation Office aron masiguro ang seguridad sa mga motorista sa kadlanan.
