Nabantayan nga miagi sa outpost sa Pilipinas kagahapong adlawa sa BRP Sierra Madre sa Ayungin Shoal ang pinakadako nga coast guad ship sa tibuok nasud nga mao ang China Coast Guard 5902 o ilado usab isip Monster Ship nga adunay gibug-aton nga 12,000 tolenada.
Kini ang base sa West Philippine Sea monitoring ni Sea Light Director ug US maritime security expert nga di Ray Powell.
Gilawig matud pa sa dakong barko sa China ang aminahan nga direksyon. Sumala kay Powell, dili intensyon sa CCG ship nga magpabilin sa vicinity sa shoal nga anaa sulod sa West Philippine Sea.
Gani, naglawig matud pa ang Monster ship sa CCG sa hotspots sa ginailugang kadagatan lakip na ang Pag-asa island sa Pilipinas ug Luconia Shoal sa Malaysia.
Gitawag usab kini ni Powell isip usa ka intrusive patrolling nga gitumong sa pagpadangat sa mensahe sa hurisdiksyon sa China sa nasangpit nga kadagatan ug sa pag-incroach niini sa maritime features.
