Gihimakak ni Senator Christopher Bong Go ang fake news nga mikatag sa internet kalabot sa matud pa pagpanaw ni kanhing Presidente Rodrigo Duterte.
Sa usa ka video nga gipagawas niini, makita gayud ang kanhing presidente nga buhi ug lig-on.
Gani gipasigardo pa niini ang iyahang gamay nga panimalay nga anaa lamang sa sulod sa usa ka subdibisyon.
Dugang pa niini nga dili gayud malikayan ang mga istorya batok kaniya ilabi pa kay edaran na kini.
Sumala sa post sa social media sa maong senador nga gisuportahan niini ang mga Duterte ug ang mga dabawenyo tungo usa kini sa dabawenyo.
Kahinumdumang ning semanahana lamang nagpadayag si City Mayor Sebastian ‘Baste’ Duterte sa iyahang kahisubo kay Senator Bong Go tungod sa paghilom-hilom niini sa mga isyu nga nagakahitabo sa dakbayan sa Davao.
Dugang pa sa maong senador nga nagapadayon ang malasakit ug pagserbisyo niini dili lamang sa mga dabawenyo apan alang sa matag Pilipino.
Samtang sa pikas bahin gisupalpal usab ni Mayor Sebastian ‘Baste’ Duterte ang maong pamahayag ni Sendor Bong Go ug nagkanayon kining ginagamit lamang matud pa niini ang iyahang amahan alang sa publicity.
Nag-awhag pa kini ngadto sa senador nga basahun pag-usab ang caption niini og ginabahut ba gayud ang gina-ingon niini.
