DAVAO DEL NORTE- Nagpahigayon na ang lokal nga panggamhanan sa Panabo City og Committee Hearing sa Committee on Ways and Means; Government Enterprises mahitungod sa isyu sa Panabo City Market Complex Project nga nagkantidad ug dul-an 450 million pesos.
Sumala ni Councilor Dizon Namuag atong milabayng bulan pa pa gipahigayunan og blessing ang Panabo City Market Complex ug aduna usab foodpark ang gihimo.
Matud pa niini nga ang maong pagbendiyon sa maong palengke ang nakahatag og kalibog sa katawhan diin abi sa katawhan nga humana kini ug giturn-over na ang maong building apan wala pa kini certificate of completion hangtud karon.
Kabahin niini nagpagawas usab og pamahayag ang lokal nga panggamhanan sa Panabo aron tubagon ang mao nga isyu, matud pa nga nadawat gayud sa city government of panabo ang certificate of completion ug certificate of acceptance niadtong Mayo 24, 2024 diin sukwahi kini sa impormasyon nga naabot kay Konsehal Dizon.
Subli usab nga nagpahinumdom ang lokal nga panggamhanan nga blessing ceremony pa lamang ang napahigayon ug dili pa mao ang turn-over ceremony. Matud pa nga natugutan ang maong blessing tungod kay ginagmay na lamang nga ayohonon ang pagabuhaton sa mga contractor.
Gitambagan usab sa lokal nga panggamhanan ang maong konsehal nga balikan gayud ang tubag sa city accountant ug sa city budget aron matubag ang isyu sa matud pa subsidy ug remittance. Dugang pa usab nga abli gayud ang opisina sa duha ka department heads aron ipasabot kini kaniya og tarung.
Base sa pamahayag sa lokal nga panggamhanan nga matud pa walay angay ikabalaka tungod nagapadayon ang pakipagkoordina sa contractor kabahin sa estado sa maong pasilidad.
Mihangyo usab ang si Panabo City Mayor Jose E. Relampagos nga suportahan ang pag-apruba sa ordinansa kabahin kabahin sa operations niini.
via/ DMA
