DAVAO DEL NORTE- Gituuhan sa grupong Davao Consumer Movement nga usa lamang ka pamulitika ang gihimong pagsuspend kay Davao del Norte Governor Edwin Jubahib sulod sa dugang 30 diyas.
Matud pa sa maong grupo nga ang political rivalry sa probinsya ug ang maong pagsuspinde sa gobernador ang matud pa maka-apekto lamang sa katawhan.
Tungod hangtod ning kasamtangan ang katawhan lamang ang padayong naga-antos sa mahal nga singil sa kuryente ug dili maayong serbisyo sa Northen Davao Eletric Cooperative Inc. kon NORDECO.
Kahinumduman ang paghamtang kay Gov. Jubahib ug suspension ang adunay kalabutan sa mando sa Office of the President ug matud pa kini adunay kalabutan sa pagsuporta ni Jubahib kay natigayong rally sa katawhan kaniadto.
Ning kasamtangan, subling nanawagan ang Davao Consumer Movement nga kinahanglang panalipdan ang mga konsumante nga anaa sa Davao del Norte sa ilahang gusto makab-ot nga nindot nga serbisyo sa kuryente.
Dugang pa niini nga dili na angay matud pa nga isakripisyo ang kaayuhan sa katawhan sa maong probinsya aron mapahimuslan ang political agenda sa nagkadiayang partido.
