DAVAO CITY- Gibutyag ni Dr. Tomas Miguel Ababon ang Head sa City Health Office nga subling misaka ang ihap sa kaso sa COVID-19 sa dakbayan sa dabaw.
Base sa datos nga gipagula niini nga alang sa bulan sa Abril 2024, anaa lamang sa 19 ka mga kaso ang natala sa maong buhatan.
Apan pagtongtong sa bulan sa Mayo ning tuiga, paspas kining misaka sa ihap nga 74 ka kaso ug ning bulana sa Hunyo , anaa na sa 111 ang ihap sa kasong natala sa COVID-19 bisan pa man anaa pa lamang kita sa tunga-tungang bahin sa bulan.
Pagpahibalo niini nga ang nawala lamang mao ang isolation ug mandatory swabbing apan nagapadayon lang gihapon ang ilahang surveillance.
Pagpaklaro niini nga ang mga ma-swabbing na lamang mao ang mga pasyenteng na-admit ngadto sa balay tambalanan.
Dugang pa niini nga kasagarang mga na-admit mao gayud ang mga unvaccinated ug pipila ka mga indibidual nga adunay lain pang chronic nga sakit susama sa highblood, diabetis, sakit sa baga ug uban pa.
Lakip usab sa mga ginaswabbing nga pasyente mao ang mga ‘very old’ u ‘very young’ nga nalakip sa vulnerable group.
Matud pa ni Ababon nga ang mga indibidual ilabi pa sa nalakip sa working force sa komunidad ang gidala-dala na lamang ang maong sakit tungod kay matud pa sa eksperto nga dili kaayo severe nga klase sa COVID ang FLIRT variant.
Pagpasabot niini nga bisan pa mang bag-o kining klase sa COVID apan susama lamang kini sa common flu nga nasinatian sa kadaghanan.
Sumala pa niini nga ning kasamtangan aduna kitay 135 active cases sa Southern Philippines Medical Center kon SPMC diin 50 sa maong ihap ang asymptomatic o anaa sa 37% samtang 69 niini ang anaa sa mild og 51%, moderate- 15 kabuok o anaa sa 11% ug 1 alang sa kritikal nga kondisyon nga ning kasamtangan anaa na sa ICU nga nanginhanglan og kritla nga pag-atiman.
Subli usab nga nagpahinumdom ang maong buhatan nga ipadayon lang gihapon ang pagsunod guidelines sa Department of Health aron malikayan ang maong sakit.
via| DMA
